Matapos mabautismuhan, si Jesus ay nangaral sa mga bayan ng Galilea. Pumili si Jesus ng labindalawang alagad na kanyang sinugo upang ipahayag ang salita ng Diyos sa lahat ng tao. 

Nangaral si Jesus sa pamamagitan ng talinghaga. Ipinaliwanag niya ang mga kautusan at ang mga kaalaman sa paghahari ng Diyos. 

Nagpagaling siya ng mga pilay, pipi, bulag, at mga may sakit. Binuhay ni Jesus ang kaibigang si Lazaro at gumawa ng marami pang himala na nagpatunay ng pagmamahal niya sa tao. 

Dahil sa mga ginawa at sa kakaibang pangangaral ni Jesus, maraming tao ang lumapit, naniwala at sumunod sa kanya. Ito’y ikinabahala ng mga Pariseo at ng hukuman ng mga Hudyo. Sa pangamba nilang mahigitan ang kanilang kaalaman at kapangyarihan, binalak nilang si Jesus ay ipadakip.