Nang kumapal ang tao sa daigdig ay nag-ibayo ang kasamaan. Nilipol ng Diyos ang mga makasalanang tao sa pamamagitan ng baha, lindol, at apoy. Nagsimula ang bagong lahi ngunit sa paglipas ng panahon, nakalimot muli ang sangkatauhan sa kanyang manlilikha. Ngunit sadyang mahal ng Diyos ang lahat ng kanyang nilalang. Napatawad pa rin niya ang tao. Nagsalita ang Diyos sa pamamagitan ng mga propeta at ipinangako niya ang pagdating ng isang Mesiyas, ang Tagapagligtas ng Sanlibutan.  

Ang panahong tinukoy ay nang ang bansa Israel ay nasa pamumuno ng malupit na Haring Herodes Agripa at nasa pamamahala naman ng makapangyarihang Emperyo ng Roma.  

At ayon sa mga kasulatan, isinilang ang Mesiyas sa isang hamak na sabsaban. Siya’y tinawag na Jesus at nanirahan sa Nazareth sa pag-aaruga nina Maria at Jose. Lumaki siyang malakas marunong at kalugod-lugod sa paningin ng Diyos.